يا ما نفسي ارجع أنادي
من تاني اسمك ف السطور
واقول حبيبتي محيارني
ويعرفوا ال جوايا ولا يعرفوه
وتفضل حكايتك أكبر سر معروف
للبشر ومش منشور
يا احلي اسم يتقال كل لحظة
وأحلي لمسة
وأحلي همسة
وأحلي بسمة
وأحلي لحظة خوف
يا أرق ما عرف الندا
وأرق ما عرف المدا
وأرق ما عرف الهدي
وقلدك ف الصمت عشرين ألف عام
ولما شافك علّي صوته
يمدحك
ويوصفك
ويسطرك
بألف بيت شعر..
وموصفيش فيكي
غير هدوءك ..
معرفش يوصف اد ايه حلوة عنيكي
واد ايه رموشك الصفاية بتداريكي
واد ايه لون السما ف لحظة الفجر
المزقزق هو لونك ..
وانا بعد كل ده .. وأخونك
بقول لنفسي وانتي قدامي
يا خاين
وعنيكي بصالي وقالتلي
انت خاين
اهي الخيانة باينة ف عنيك
بتقول انت خاين
واهي الخيانة ف وقفتك وف نظرتك
وسلام ايديك وضحكتك
بتقول انت خاين
واهي الخيانة باينة حتي ف كلمتك
بتقول انت خاين
ياااااه يا حبيبتي لما أكون
في هواكي خاين ...
اه لو تعرفي اد ايه
عليكي بتوجع
ولو تعرفي اد ايه
مبقتش بعدك بتسمع
واد ايه بقيت بايخ
ومن جذور حلمي بتقلع
اااااه يا حبيبتي ...
لو تعرفي اني نفسي متسامحنيش
وان أي كلمة حب ليكي ... متصدقيش
وأي لحظة أجيكي أقلك ياحبيبتي
متسمعيش ...
ااااه يا حبيتي ...
يا ما نفسي أرجع اقول كلمتي
من غير ما أرجع
أقول بحبك وأنا قلبي مجدع
اه يا حبيبتي بعد كل كلامي
ده بقلك متنسنيش ...
ليست هناك تعليقات:
إرسال تعليق